پی آئی اے کی اسلام آباد سے گلگت کےلئے 24جولائی تک شیڈول پروازیں منسوخ
گلگت (سٹاف رپورٹر) پی آئی اے نے اسلام آباد سے گلگت کے 24 جولائی تک تمام شیڈول پروازیں منسوخ کر دی ہیں۔ زرائع کے مطابق پی آئی اے نے 17 سے 24 جولائی تک اسلام آباد سے گلگت کے لئے تمام پروازیں منسوخ کردی ہیں 24 جولائی تک ٹکٹ بک کروانے والے مسافروں کو موبائل کے ذریعے سے پرواز منسوخی کا پیغام ملا ہے۔ مسافروں کا کہنا ہے کہ اسلام آباد سے گلگت اور گلگت سے اسلام آباد کے لئے جہاز میں سفر کرنا خواب بن گیا ہے پی آئی اے کے حکام بلا جواز گلگت کے لئے پروازیں منسوخ کرتے ہیں جس کی وجہ سے مسافر زہنی اذیت کا شکار ہوتے ہیں مسافروں نے گورنر’ وزیر اعلی اور چیف سیکریٹری سے نوٹس لینے کا مطالبہ کیا ہے۔
