وزیر اعلیٰ گلگت بلتستان کی عزت افزائی ہمارے لئے سرمایہ حیات،ایشین بیسٹ اتھلیٹ سیف اللہ
گلگت :روس میں منعقدہ اولمپکس میں ایشین چلڈرن بیسٹ اتھلیٹ کا ایوارڈ جیتنے والے غواڑی گانچھے کے ننھے سیف اللہ نے وزیر اعلی گلگت بلتستان حاجی گلبر خان کی جانب سے خصوصی حوصلہ افزائی کا شکریہ ادا کرتے ہوئے کہا ہے کہ وزیر اعلیٰ گلگت بلتستان کی عزت افزائی ہمارے لئے سرمایہ حیات ہے۔ ہم حکومت کی جانب سے کیا گیا اس تعاون کو کبھی فراموش نہیں کریں گے۔ سیف اللہ نے کہاکہ اسی طرح اگر مزید بھی مجھے مناسب حکومتی توجہ نصیب ہو تو میں نہ صرف گلگت بلتستان بلکہ آنے والے دنوں میں عالمی اولمپکس میں پاکستان کا نام روشن کروں گا۔
