جی ڈی اے کا گلگت شہر کی خوبصورتی کے لیے اقدامات

گلگت: ڈائریکٹر جنرل گلگت ڈیویلپمنٹ اتھارٹی عباس علی خان نے گلگت شہر کی خوبصورتی اور اپ لفٹنگ کے لئے شہر کے مختلف حصوں (گھڑی باغ، پل روڈ، کشمیری بازار، راجا بازار اور شاہی پولوگراونڈ) کا دورہ کیا، ان ایریاز کے مختلف حصوں کا انتخاب کیا گیا۔ جن کی خوبصورتی اور اپ لفٹنگ کے لئے کام کیا جائے گا۔ اس موقع پر ڈپٹی ڈائریکٹر انجینئرنگ مظہرسہیل اور اسسٹنٹ کمشنر و

ایڈمنسٹریٹر میونسپل کارپوریشن گلگت لیفٹنٹ (ر) محمد اویس عباسی و دیگر بھی موجود تھے۔

اس موقع پر ڈائریکٹر جنرل گلگت ڈیویلپمنٹ اتھارٹی نے کہا کہ شہر کی خوبصورتی، ٹریفک منیجمنٹ اور اپ لفٹنگ کا کام جی ڈی اے اور ڈسٹرکٹ ایڈمنسٹریشن مل کر کرینگے۔ ڈائریکٹر جنرل صاحب نے مزید کہا کہ شہر میں جگہ جگہ ریڈی بانوں اور ٹریفک میں خلل ڈالنے والے ٹھیلوں کیلئے شاہی پولوگراونڈ کے ساتھ والی جگہ کو ڈیویلپ کرکے ٹف ٹائل وغیرہ لگا کر شفٹ کیا جائے گا اس کے علاؤہ سٹی پارک

کے ساتھ بھی ریڈی والوں کیلئے ایک جگہ ڈیویلپ کرینگے۔جس سے شہر میں ٹریفک کی روانی میں بہتری آئے گی۔