انڈونیشا میں تائیکووانڈو چیمپئن شپ جیت کر آنے والی ہنزہ کی جڑواں بہنیں منیشا علی اور ملیحہ علی گلگت آمد پر ائیر پورٹ میں پرتپاک استقبال
معاون خصوصی اطلاعات ایمان شاہ نے انڈونیشا میں کھیلی جانے والی چھٹی ایشین تائیکووانڈو چیمپئن شپ میں گولڈ میڈل اور برانز میڈل جیت کر گلگت بلتستان سمیت پورے ملک کا نام روشن کرنیوالی ہنزہ کی ہونہار جڑواں بہنوں منیشا علی اور ملیحہ علی گلگت آمد پر ائیر پورٹ میں پرتپاک استقبال کیا اور گلدستہ پیش کیا۔
اس موقع پر اظہار خیال کرتے ہوئے معاون خصوصی اطلاعات ایمان شاہ نے کہا کہ ملک و قوم کا نام روش کرنیوالی ہونہار بیٹیوں پر فخر ہے اور ہمیں خوشی ہے کہ ہماری خواتین زندگی کے ہر شعبے میں مردوں کے شانہ بشانہ اہم کردار ادا کر رہی ہیں اور عالمی سطح پر بھی خطے کا مثبت تشخص اجاگر ہو رہا ہے، صوبایی حکومت مذہبی اور ثقافتی اقدار کو برقرار رکھتے ہوئے خواتین کو با اختیار بنانے اور انکی حوصلہ افزائی کیلئے ہر ممکن اقدامات کریگی۔
